سجدۂ سہو کب واجب ہوتا ہے اور اس کا طریقہ کیا ہے؟

2تفصیلی جواب

سجدۂ سہو اس وقت واجب ہوتا ہے جب بھول کر:

1. کوئی واجب چھوٹ جائے، جیسے چار رکعت والی نماز میں پہلا قعدہ بھول جانا، یا اس رکعت میں سورۂ فاتحہ یا سورت ملانا بھول جانا جہاں یہ واجب ہے۔
2. کسی فرض یا واجب میں تاخیر ہو جائے، جیسے تین بار "سبحان اللہ" کہنے کی مقدار سوچ میں خاموش رہ جانا۔

طریقہ:

1. آخری قعدے میں التحیات پڑھے۔
2. دائیں طرف ایک سلام پھیرے۔
3. عام نماز کی طرح دو سجدے کرے۔
4. پھر بیٹھ کر التحیات، درود اور دعا پڑھے اور دونوں طرف سلام پھیر دے۔

اگر جان بوجھ کر واجب چھوڑا تو سجدۂ سہو کافی نہیں، نماز دوبارہ پڑھنا ہوگی۔ اور اگر فرض چھوٹا تو نماز ہی نہیں ہوئی۔

3دلائل و حوالہ جات

1. سنن ابی داؤد، کتاب الصلاۃ
2. الہدایہ، سجدۂ سہو کا بیان
3. بہارِ شریعت، سجدۂ سہو کا بیان